Uimhir 6 de 1933.

ACHT BUNREACHTA (MÓID DO CHUR AR CEAL), 1933.

ACHT CHUN DEIREADH DO CHUR LEIS AN OBLAGÁID ATÁ ANOIS DO RÉIR DLÍ AR BHAILL DEN OIREACHTAS AGUS AR AIRÍ NACH BAILL DEN ARD-CHOMHAIRLE MÓID DO THABHAIRT AGUS CHUN AN BHUNREACHTA AGUS FÓS AN ACHTA UM BUNREACHT SHAORSTÁIT ÉIREANN, 1922, DO LEASÚ CHUN NA CRÍCHE SIN. [3adh Bealtaine, 1933.]

ACHTUIGHEADH OIREACHTAS SHAORSTÁIT ÉIREANN MAR LEANAS:—

Airtiogal 17 den Bhunreacht do scriosadh amach agus Airtiogal 55 de do leasú.

1. —Déanfar agus deintear leis seo an Bunreacht do leasú mar leanas, sé sin le rá:—

(a) tré Airtiogal 17 de do scriosadh amach; agus

(b) tré sna focail “agus géillfe siad san d'fhorélacha Airtiogail 17 den Bhunreacht so” atá anois in Airtiogal 55 de do scriosadh amach.

An tAcht um Bunreacht Shaorstáit Éireann, 1922, do leasú.

2. —Athghairmtear leis seo alt 2 den Acht um Bunreacht Shaorstáit Éireann, 1922 (Uimh. 1 de 1922) .

Airtiogal 50 den Bhunreacht do leasú.

3. —Déanfar agus deintear leis seo Airtiogal 50 den Bhunreacht do leasú tré sna focail “laistigh de théarmaí an Chonnartha Sceidealta” atá anois ann do scriosadh amach.

Gearr-theideal.

4. —Féadfar an tAcht Bunreachta (Móid do Chur ar Ceal), 1933 , do ghairm den Acht so.