Uimhir 4 de 1969

AN tACHT UM ONNMHAIRIÚ A SPREAGADH (LEASÚ), 1969

[An tiontú oifigiúil.]

ACHT DO LEASÚ AGUS DO LEATHNÚ NA nACHTANNA UM ONNMHAIRIÚ A SPREAGADH, 1959 GO 1969 [26 Márta, 1969.]

ACHTAÍTEAR AG AN OIREACHTAS MAR A LEANAS:

1. —San Acht seo—

ciallaíonn “an Bord” Córas Tráchtála;

ciallaíonn “an tAire” an tAire Tionscail agus Tráchtála.

2. —Ní mó ná naoi milliún punt comhiomlán na suimeanna a fhéadfaidh an tAire, le toiliú an Aire Airgeadais, a íoc leis an mBord chun a chumasú don Bhord a fheidhmeanna a fheidhmiú nó chomhlíonadh (gan aon suim a íocadh leis an mBord faoi alt 4 de Acht um Onmhairiú a Spreagadh (Leasú), 1963, a áireamh) agus, dá réir sin, forléireofar alt 16 (1) den Acht um Onnmhairiú a Spreagadh, 1959 , ionann is dá gcuirfí an tsuim sin in ionad na suime atá luaite ann.

3. —(1)  (a) Féadfaidh an Bord cabhrú le hailtirí a chleachtann sa Stát, agus le hinnealtóirí a chleachtann sa Stát, maidir le seirbhísí a thabhairt lena mbaineann an fo-alt seo.

(b) Baineann an fo-alt seo le seirbhísí deartha agus pleanála, ar sa Stát i ndáil le hoibreacha innealtói eachta nó foirgníochta a dhéantar lasmuigh den Stát dhéantar an obair á dtabhairt.

(2) Beidh ag an mBord na cumhachtaí sin go léir is gá chun críocha fho-alt (1) den alt seo.

4. —(1) Féadfar an tAcht um Onnmhairiú a Spreagadh (Leasú), 1969 , a ghairm den Acht seo.

(2) Féadfar na hAchtanna um Onnmhairiú a Spreagadh, 1959 go 1969, a ghairm de na hAchtanna um Onnmhairiú a Spreagadh, 1959 go 1967, agus den Acht seo le chéile.